✔ Puisi-Puisi I Putu Andika Putra; Don Bingin
 |
| Gagambaran I Komang Alit Juliartha |
Margi Luih
Liyang manah tiyang
Nyingakin
Margi margi
Sampun becik
Lega atin tiang
Mirengang
Tan wénten malih
Kapiambeng ring margi
Sané ngawinan séda
Suksma antuk pemerintah
Sané sampun prasida
Ngamecikang margi
Sané dumun benyah
Dumogi rahina sané rauh
Iraga sami stata rahayu ring margi
Lan dapat ngalestariang mangda margi niki
Ngamecikang antuk rahiné sané rauh
Don Bingin
Ring genah siki
Kacingak
Wénten papunyanan
Sané gedé lan tegeh
Don bingin…
Kayuné gedé lan rénggah
Donné gadang miwah akéh
Manekepin isin gumi puniki
Don bingin…
Disisiné akéh kayu mangiterin
Ritatkala angin nyeburin
Genahé puniki dados dingin
Don bingin…
Dumogi stata manyunarin
Papunyanan kayu manjiterin
Isin gumi jagi katekepin
Sisia Sekolah Menengah Pertama 1 Saraswati Tabanan, polih juara favorit II Jineng Sastra sané kalaksanayang olih Penyuluh Bahasa Bali Kecamatan Marga Tabanan.
0 Response to "✔ Puisi-Puisi I Putu Andika Putra; Don Bingin"
Posting Komentar